മറുനാട്ടുകാരൻ

നമുക്ക് ചുറ്റും വിയർപ്പോഴുക്കുന്ന മറു നാട്ടുകാരൻ
അവന്റെ നാടിൻറെ പകർപ്പ് ഇവിടെയും കാണുന്നുണ്ടാവും . .
ഇവിടെ അവൻ നടക്കുന്ന ഏതെങ്കിലും ഒരു ഇടവഴി
അവന്റെ നാട്ടിലെ ഊടുവഴിയിലേക്ക് നയിക്കുന്നുണ്ടാവും . .
ഇവിടത്തെ കാറ്റിലും മണ്ണിലും മഴയിലും അവൻ
അവന്റെ നാടിൻറെ ഗന്ധം അറിയുന്നുണ്ടാവും . .
ഇവിടത്തെ ഏതെങ്കിലും ഒരു സ്ത്രീയുടെ ഒരു വാക്ക്,
ഒരു സാന്ത്വനം, ഒരു പുഞ്ചിരി, ഒരു തലോടൽ
അവനു അമ്മയെക്കുറിച്ചുള്ള ഓർമ്മകൾ നല്കുന്നുണ്ടാവും . .
സ്നേഹത്തോടെ ഒന്ന് സംസാരിക്കാൻ അവൻ
എന്റെയോ നിങ്ങളുടെയോ മുഖത്തേക്ക് പ്രതീക്ഷയോടെ,
അല്പം ഭയത്തോടെ നോക്കുന്നുണ്ടാവും .
ഇനിയെങ്കിലും അവൻ നമുക്കും നമ്മൾ അവനും
അന്യരല്ലാതിരിക്കട്ടെ . . . . :) .